Само 35% од вработените земаат плата над просечната

Државниот завод за статистика од почетокот на годината забележува постојан раст на просечната плата што најмногу се должи на растот на платите во ИТ индустријата и фармацијата. Но, според податоците вработените во најголемиот број дејности земаат плати под просекот. Само 35 % од вработените граѓани во земјава земаат плата над просечната која сега изнесува 28.721 денари.

Државен завод за статистика:

– Производство на облека и кожа – 17.570 денари;

– Дејности за подготовка на оброци и служење храна – 18.780 денари;

– Туристички агенции – 19058 денари;

– Производство на прехрамбени производи – 22.481 денари;

– Уметност, забава и рекреација  – 26.969 денари и

– Образование  –  27.736 денари.

За да се намали големата разлика на платите потребно е почитување на колективните договори И засилени контроли од инспекциите посочуваат од Сојузот на синдикати.