Саркофагот во кој ќе бидат положени посмртните останки на цар Самуил е направен од бел мермер, ископан во прилепскиот регион на Македонија. Се изработува во Велинград, а по неговото завршување и поставување, ќе биде поставен во црквата „Света Софија“ во главниот град,објави БНТ.
Изборот на материјал од Македонија не е направен поради историска симболика , објасни Надежда Кључкова, сопственичка на компанијата „Минерали-М“ од Велинград, задолжена за изработка на саркофагот. Причината е квалитетот на прилепскиот мермер – потребен е бел, цврст природен камен со карактеристични жили.
Сепак, ова создава една чудна историска референца – владетелот, чие владеење е неразделно поврзано со териториите во денешна Македонија, ќе биде погребан во Софија во саркофаг направен од камен од прилепскиот регион.
На капакот е напишано „САМУЛ ВО ХРИСТА БОГ ЦАР БУГАРСКИ“ . Исто така, прикажан е крст, поврзан со надгробната плоча на таткото на Самуил – грофот Никола.
Меѓу декоративните елементи се наоѓаат две стилизирани птици грабливки, пресоздадени од слика од скапата виолетова ткаенина пронајдена во гробницата на Самуил на островот Свети Ахил во Малото Преспанско Езеро.
На 3 октомври, Бугарија треба да ги пречека посмртните останки на цар Самуил, кои се враќаат од Грција по долги меѓудржавни преговори. Останките беа откриени во 1969 година од грчкиот археолог Николаос Муцопулос во базиликата „Свети Ахил“ на истоимениот остров во Малото Преспанско Езеро.
