Светската здравствена организација (СЗО) денеска објави дека бројот на земји и територии во кои циркулира делта сој на коронавирусот, кој е досега најзаразен, се искачи на 124 земји.
Експертите тврдат дека делта варијантата брзо ќе се прошири и ќе стане доминантен мутиран вид на коронавирус.
Покрај тоа, СЗО е загрижена за ширењето на сите четири нови видови.
Алфа сојот, откриен во Велика Британија во септември 2020 година, е регистриран во 180 земји до 20 јули.
Бета сојот, откриен во август минатата година во Јужна Африка, е присутен во 130 земји, додека бразилскиот гама сој е регистриран во 78 земји.
