Претседателката на Европската комисија, Урсула фон дер Лајен во Брисел изјави дека целта од 70% вакцинирани од возрасните лица во Европската унија е постигната.
„Нашата цел во јули беше да заштитиме 70 % од возрасните во Европската унија со најмалку една доза. Денес ја постигнавме таа цел и 57 % од возрасните се целосно вакцинирани“, рече Фон дер Лајен.
Таа порача дека треба да продолжат напорите и повика да се вакцинираат што е можно повеќе луѓе.
„Делта варијантата е многу опасна. Затоа ги повикувам сите кои имаат можност да се вакцинираат. Заради заштита на сопственото здравје и заштита на другите“, рече Фон дер Лајен, истакнувајќи дека ЕУ ќе продолжи да обезбедува доволно вакцини.
