ВМРО-ДПМНЕ: Илија Јованоски промовира проекти понудени во програмата на ВМРО-ДПМНЕ

Секој ден Илија Јованоски промовира проекти кои се понудени во програмата на ВМРО-ДПМНЕ од последните парламентарни избори, а дел се и реализирани, се вели во реакцијата на ВМРО-ДПМНЕ за денешната прес конференција на на кандидатот за градоначалник од редовите на СДСМ, Илија Јованоски.

 

Реакцијата ја пренесуваме во целост.

„Горди сме што Илија Јованоски – Муцето, кандидат за градоначалник секој ден промовира проекти на ВМРО-ДПМНЕ понудени во програмата на последните парламентарни избори.

Еве денес ветува дека ќе изгради театар, проект кој беше промовиран и ветен токму од ВМРО-ДПМНЕ.

Срамно е, што Илија Јованоски – Муцето, секојдневно држи прес-конференции, стоејќи пред реализирани проекти на Марјан Ристески и ВМРО-ДПМНЕ! Но, многу жално е, кандидат за градоначалник на СДС да не понуди ниту еден свој, реално остварлив проект во текот на цела кампања!

Добро е што Илија Јованоски детално ја прочитал и разработил целата програма на ВМРО-ДПМНЕ! Но, добро ќе беше да покажеше барем малку срам, штом излегува со туѓи проекти и ги промовира како свои.

Не се иди на власт со лажни ветувања и насилство кое го поддржувате и поттикнувате. Само продолжете со уништување на билборди, кинење на плакати, заплашување и заканување на луѓе.

Прилепчани го гледаат ова и го ценат! Затоа Г-не Јованоски, на 15-ти Октомври со заокружување на бројот 13, граѓаните повторно ќе дадат поддршка на Марјан Ристески и ВМРО-ДПМНЕ“, се вели во реакцијата.

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien