Пред 24 години Македонија го одигра својот прв официјален натпревар

Репрезентацијата на Македонија на денешен ден на 13 ноември 1993 година, пред 24 години, го одигра првиот меѓународен натпревар на гостување во Крањ против Словенија. „Црвено-жолтите“ предводени од селекторот Андон Дончевски славеа удедлива победа од 4:1.

 

Прв стрелец на натпреварот, а воедно и прв стрелец во историјата на македонската репрезентација беше Зоран Бошковски Чоко уште во 5-тата минута, по што стрелаа и Дарко Панчев и Чедомир Јаневски, двајцата од пенал, а конечниот резултат го постави Драган Канатларовски.

 

 

Македонија тогаш имаше исклучително силен тим составен од играчи кои станаа шампиони во Југославија со Вардар, како и европски и светски прваци, а претходно беа дел и од селекциите на Југославија.

 

Тоа е златна генерација. Децата од мојата генерација беа кадарни да се фатат во костец со најдобрите во Европа и затоа без двоумење прифатив да бидам селектор затоа што имав доверба во нив“, изјави Андон Дончевски.

 

Првиот официјален меч од натпреварувачки карактер се одигра следната година на 7 септември 1994 година против тогаш актуелниот европски шампион Данска во квалификациите за ЕП 1996. Натпреварот одигран во Скопје заврши со 1:1.

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien