Шпански воен авион од типот Ф-18 се урна при полетување од воената база Торехон де Ардоз, на околу 20 километри од Мадрид, при што загина пилотот. Министерството за одбрана на Шпанија го потврди инцидентот.
„Пилотот на авионот загина во несреќата, која што се случи за време на полетувањето“, истакнаа од министерството.
Инцидентот се случил денеска кратко време по 11 часот по локално време.
Ова е втор инцидент за само неколку дена во кој се урива авион на шпанското воено воздухопловство, откако пред само неколку дена „Еурофајтер“ се урнал при слетување во воена база во Албасете, на 300 километри од главниот град, кога исто така пилото загинал на лице место.
107