ДИК ги одби сите приговори за изборите

На седницата која завршила утрово Државната изборна комисија ги одбила сите поднесени приговори поднесени за првиот круг од локалните избори што се одржаа во неделата, ова го изјави портпаролот на ДИК Љупка Гугучевска.

 

До ДИК беа поднесени вкупно 46 приговори од кои 43 имаше поднесено ВМРО-ДПМНЕ, но пред почетокот на вчерашната седница беа повлечени три и еден во текот на седницата. По еден приговор поднесоа и ТМРО, Алијансата на Албанците и Левица.

 

Против одлуката на ДИК може да се поднесе тужба до Управниот суд, во рок од 24 часа од приемот на решението, а Управниот суд, пак, по приемот на жалбата, должен е да донесе одлука во рок од 48 часа.

 

Вториот круг на локалните избори ќе се одржи на 29 октомври.

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien