Прилеп го одбележа државниот празник 23 –ти Октомври

По повод одбележувањето на државниот празник 23-ти Октомври, Денот на македонската револуционерна борба, делегација од локалната самоуправа на општина Прилеп и претставници на политичките партии положија свежо цвеќе пред споменикот на: Методија Андонов – Ченто, Ѓорче Петров, Пере Тошев, гробот на Тошев кој се наоѓа во црквата Св.Благовештение, а свежо цвеќе беше положено и на гробот на  Методија Патчев, во Кадино село.

 

При оваа пригода беше истакнато знaчењето на овој празник за македонскиот народ и беше потенцирана важноста од зачувувањето на интегритетот и суверенитетот на Р. Македонија.

 

Македонија годинава по 10–ти пат го празнува 23-ти Октомври како државен празник. Празникот се празнува како ден кога во 1893 година, Иван Хаџи Николов, Христо Татарчев, Даме Груев, Петар Поп Арсов, Антон Димитров и Хрсто Ботанџиев го формирале Македонскиот револуционерен комитет, од кој подоцна произлезегла Внатрешно Македонската Револуцонерна Организација (ВМРО) или Внатрешно Македонско-Одринска Револуционерна Организација (ВМОРО).

 

Организацијата се борела за ослободување на Македонија. Формирањето на ВМРО значело почеток на организираното македонско револуционерно движење , кое преку Илинден 1903 и Крушевската република, а потоа и преку НОВ резултираше со создавање на модерна самостојна македонска држава.

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien