ВМРО-ДПМНЕ: СДСМ лаже, цената на струјата не е намалена

„Цената на електричната енергија не е намалена. СДС повторно лаже и манипулира со граѓаните кога зборува дека ќе има намалување на цената на електрична енергија“, се вели во реакцијата на ВМРО-ДПМНЕ.

 

Според опозициската партија, граѓаните од нивните сметки за струја видоа дека цената што ја плаќаат за киловат час потрошена електрична енергија е иста како и претходниот месец.

 

„Бидејќи СДС очевидно ги лаже граѓаните со популистички соопштенија веднаш треба да им одговори на јавноста за колку е намалена цената на електрична енергија. Овој случај е само потврда дека СДС само ветува, а ништо не остварува. Граѓаните внимателно следат и ќе ги казнат лагите и расипништвото на владата на СДС“, се додава во реакцијата.

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien