Русија лансира четири ракети „Топољ“, Мајк Пенс во посета на база со нуклеарно оружје

Кремљ објави дека рускиот претседател Владимир Путин лично го надгледувал лансирањето четири интерконтинентални балистички проектили од типот „Топољ“ способни да носат нуклеарни глави како дел од вежбата за руските стратегиски нуклеарни сили, објави „Интерфакс“.

 

Лансирањето се случи во рамки на вежбите на стратешките нуклеарни сили на Русија, а ракетите се во можност да носат нуклеарни боеви глави. Министерството прецизира дека ракетите се лансирани од космодромот Плесецк, на северот на Русија и оти ги погодиле целите поставени на воениот полигон Кура на полуостровот Камчатка, оддалечен илјадници километри.

 

Заедно со веста за тоа дека Путин го надгледувал лансирањето на ракетите, пристигна и информацијата дека американскиот потпретседател Мајк Пенс денеска ќе ја посети воздухопловната воена база во Мајнот, Северна Дакота, каде има нуклеарано оружје. Ова е вторпат во изминатите шест недели, висок функционер од администрација на Доналд Трамп да ја посети оваа база.

 

Планирано е Пенс денеска да го посети објектот за лансирање интерконтинентални балистички ракети во таа база, а најавено е и негово обраќање пред припадниците на воените сили.

 

Американскиот министер за одбрана Џејмс Матис во септември ја посети истата база, што медиумите го оценија како потсетување за Северна Кореја на нуклеарните капацитети на САД.

 

Во Мајнот се наоѓа една од двете американски бази на бомбардери Б-52 и центарот 91, ракетно крило кое оперира со 150 од вкупно 450 нуклеарни ракети „минитмен 3“ на американските воздухопловни сили.

 

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien