Според претседaтелот на Генералното Собрание на ОН, Мирослав Лајчак, 2017-та година била година на пресврт за државите од Западен Балкан поради зачестените разговори за проширување на ЕУ.
Словачкиот дипломат смета дека политичарите треба да се посветат на идните прашања на Балканот, а не на минатото коешто ја окупира нивната дневно- политичка агенда и потенцира дека Дејтон 2 нема да се случи, а Специјалниот суд за злосторства на ОВК треба да биде прифатен и почитуван.
Лајчак наведува дека ЕУ разбрала дека има обврска спрема државите од Западен Балкан, бидејќи им е ветена европска перспектива на тие држави.
“Тие држави се во процес на реформи и промени и ние треба да го почитуваме нашиот збор“, изјави Лајчак.
Словачкиот дипломат смета дека тоа не е политичка одлука на ЕУ и таа мора да се заснова на резултати од процеси кои се во раце на државите од тој регион.
