Белгискиот суд го осуди Салах Абдесалам, единствениот преживеан осомничен од терористичките напади во Париз во 2015 година, на 20 години казна затвор за обид за терористичко убиство на полицајци за време на престрелката во Брисел во 2016 година, што доведе до негово апсење.
Неговиот соработник Софиен Ајари, 24 годишен Тунижанец исто така доби казна затвор до 20 години за обид на убиство на белгиски и француски полицајци кои извршија рација во нивното засолниште во Брисел во март, 2016 година. Четворица полицајци беа повредени во пукотниците во кои учествуваа Абдеслам и Ајари.
По нападите во Париз во 2015 година, во кои загинаа 130 луѓе, а илјадници беа повредени, Абдеслам четири месеци беше во бегство. Уапсен е три дена по судирот во Брисел. Тој беше уапсен на 18 март, 2016 година во близина на неговиот семеен дом во населбата Моленбек во Брисел. Моментално се наоѓа во затвор во Франција и го очекува судење за нападите во Париз.
