Зајакнување на врските на НАТО со Русија е можно и треба да се бараат начини за воспоставување дијалог со неа, изјави генералниот секретар на алијансата Јенс Столтенберг во интервју за денешниот број на францускиот весник „Фигаро“.
„Русија останува наш сосед и ние сакаме односите со неа да не стигнат до нова Студена војна, ниту до нова трка во вооружувањето. Продложуваме да се стремиме кон дијалог со Русија, така што сметаме, дека тој е возможен. Лично се уверив во тоа додека бев премиер на Норвешка“, рече Столтенберг.
Тој истакна дека односите со Русија треба да се подобрат и да се бараат начини за намалување на ризиците за инциденти, кои при сегашната тензија може да доведат до појава на опасни ситуации.
„Русија го засилува својот став и ги модернизира своите вооружени сили, а особено нејзиниот нуклеарен потенцијал, во големи размери“, рече шефот на НАТО.
Столтенберг повторно се изјасни критички за анектирањето на Крим, за кибер – нападите и хибридните акции на Русија со цел „слабеење на демократските институции на Западот”. НАТО одговори на ова пропорционално, зајакнувајќи ја колективната одбрана, истакна тој
