Заев: Проруски бизнисмени плаќаат за насилни протести во Македонија

Share on facebook
Facebook
Share on twitter
Twitter
Share on email
Email
Share on print
Print

Проруско настроени бизнисмени од Грција се обидуваат да ја спречат Македонија да се приклучи на НАТО и за таа цел платиле илјадници долари на лица кои биле задолжени да извршат насилни протести, но и насилни акти во периодот кој престои до одржувањето на реферeндумот, тврди премиерот Зоран Заев во интервју „Базфид њуз“.

 

„Проруско насторени грчки бизнисмени им плаќаат на македонски граѓани од 13 до 21 илјада долари за да предизвикаат насилство пред да се одржи клучниот референдум, кој ќе утврди дали Македонија ќе може да се приклучи на воениот сојуз“, истакна Заев.

 

Премиерот не соопшти за кого точно станува збор за да не ја попречи истрагата која ја води полицијата, но додаде дека информацијата е добиена од неколку лица кои биле притворени по насилните протести против договорот со Грција што се одржаа минатиот месец пред Собранието.

 

На членството на Македонија во Алијансата жестоко се спротивставува Русија, која тврди дека Македонија е „со сила вшмукана во НАТО“.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи