Нови експертизи потврдија дека остатоците на семејството на Николај Втори се автентични

Share on facebook
Facebook
Share on twitter
Twitter
Share on email
Email
Share on print
Print

Комплексни молекуларно – генетички експертизи потврдија дека остатоците кои во 1993 и 2007 година беа откриени во близина на рускиот град Екатеринбург се на поранешниот император Николај Втори, членови на неговото семејство и луѓе од нивното опкружување, соопшти Истражниот комитет на Русија.

 

Седум од вкупно 11 откриени фрагменти одговараат на семејната група – мајка, татко, четири ќерки и еден син. Споредбата на генетичките профили од коскените остатоци со примероци земени од живи роднини на семејството Романови и по таткова и по мајчина линија потврдуваат дека остатоците му припаѓаат на Николај Втори и членови на неговото семејство, стои во извештај на Федералната истрага.

 

Истражниот Комитет ќе ја затвори истрагата за случајот откако ќе добие податоци од последните четири експертизи меѓу кои се и документи од странски архиви кои биле собрани во последните 18 месеци.

 

На 17 јули се навршуваат сто години од убиството на царското семејство во Екатеринбург.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи