Јавен Простор Прилеп, во соработка со НУЦК „Марко Цепенков“ го внесуваат Прилеп во официјалната програма на годинашните Струшки Вечери на Поезијата, со манифестацијата „Поезија на пат“.
Во четврток, во 20:30 часот, на летната сцена од Домот за култура ќе гостуваат и ќе биде претставена поезијата на следниве поети учесници на СВП :
1. Vladimir Levchev – Владимир Левчев (Бугарија)
2. Martin Glaz Serup – Мартин Глаз Серуп (Данска)
3. Cosmin Perta – Козмин Перта (Романија)
4. Hussein Habasch – Хусеин Хабаш (Сирија, курдско потекло)
Исто така, посетителите ќе можат да чујат стихови од годинешниот добитник на главната награда “Златен венец” на СВП, односно полскио поет Адам Загајевски. Објавената антологија од околу 800 страни, во која е поместено богатото поетско творештво на Загајевски, од полски на македонски јазик е преведена од нашиот сограѓанин Звонко Димоски.
