Двајцата ракометари на Вардар се најдоа на ТОП листите на ракометната Лига на шампиони. Иако нашиот првак го доживеа премиерниот пораз во елитното натпреварување на гостувањето кај Кјелце, имињата на Тимур Дибиров и голманот Дејан Милосављев се најдоа помеѓу најатрактивните голови, односно одбрани.
Дибиров го има вториот најатрактивен гол, откако шутираше од речиси мртов агол од неговата крилна позиција, но успеа на магичен начин да реализира низ нозете на голманот Владимир Цупара.
Superb spin shots, but not as you know them, lead the Top 5 Goals in #veluxehfcl Round 5 – a selection of goals not to be missed! ?? pic.twitter.com/b3tLUSppkI
— EHF Champions League (@ehfcl) October 15, 2018
Голманот Дејан Милосављев повторно се најде во изборот на ЕХФ и ја има петтата најдобра одбрана. Србинот успеа да му одбрани удар од шест метри на Арцем Каралек и тоа со прекрасна интервенција. Милосављев натпреварот го заврши со 11 интервенции.
Најдобрите 5 одбрани може да ги погледнете тука.
