Во петок, 19 октомври, во 18 часот, во Депото на НУЦК „Марко Цепенков“ ќе биде отворена изложбата ДЛУП Совреме(н). Станува збор за групна изложба на дванаесет уметници – членови на Друштвото на ликовни уметници Прилеп ДЛУП (Христина Мазнеска, Ивана Секулоска, Методија Јорданоски, Василка Боцеска, Дарко Талески, Зоран Кочоски, Павлина Илијеска, Викторија Димеска, Владимир Здравески, Елена Димоска, Давид Атанасоски и Јасмина Руневска Тодоровска), Мо Марија уметница од Бејрут и уметницата Габриела Мулер од Португалија која живее и работи во Берлин.
Акцентот на оваа групна изложба е ставен на дигиталната уметност, односно, најзастапени форми се видеото и фотографијата, но исто така ќе има и објекти во простор и звучни инсталации.
„Идејата на оваа изложба е да ги промовира прилепските уметници кои што работат во различни техники и форми, а во исто време и да ги поместиме очекувањата на прилепската публика, која за жал сѐ уште е навикната да посетува покласични и традиционални изложби“, вели Јасмина Руневска Тодоровска, претседател на ДЛУП.
