Во Велика Британија повеќе од 7.000 семејства сѐ уште гледаат телевизија на црно-бел телевизор, иако веќе 60-ина години ТВ-програмите се во боја, пишува Би-Би-Си.
Вториот канал на Би-би-си во 1967 година беше првиот што почна со редовна програма во боја, и тоа со Турнирот на Вимблдон.
На почетокот на овој век имало околу 212.000 Британци сопственици на црно-бели телевизори, а во 2018. – 7.161 лице. Инаку, тие имаат три пати помала претплата од само 50,5 фунти, додека редовната е 150,50 фунти.
Црно-белите телевизори одамна ги нема во редовна продажба, но можат да се купат на старо или на интернет.
