Завир е местото каде Преспанско езеро понира во Охридско. Тоа се случува поради висинската разлика на двете езера. Преспанско е повисоко за 158 метри од Охридско езеро. Завир се наоѓа во близина на селото Долна Горица, на неколку километри од Македонско – Албанската граница.
Во близина на Завир освен островот Голем Град се наоѓа и другиот острев во Преспанско езеро кој се вика Мал Град и кој може да се види само од албанска страна бидејќи се наоѓа во заливот каде пак е лоцирано населеното место Пустец.
Островот Мал Град е карактеристичен по своите пештери и црквата „Пресвета Богородица“ изградена во 1396 година.
Пустец е административен центар на Општина Пустец, која има 9 населени места со претежно доминантно македонско население. Пустец е и единствената општина во Албанија каде градоначалник е Македонец.
