Денеска ќе ја отворам прв пат темата по повод идејното решение за автопатското поврзување на Велес – Прилеп – Битола. Со нас е идејното решение кое го носиме изготвено. Ова денеска прес стопанствениците во Прилеп го изјави лидерот на СДСМ, Зоран Заев.
Се работи за определба која што останува на државата во делот на автопатските решенија, би ја нарекол скоро единствена од ваков обем. Се работи за проект некаде вреден над 600 милиони евра, кој што имајќи во предвид дека Источна Македонија е автопатски решена, Западна Македонија ја решаваме со автопатот Кичево – Охрид, а знаете дека продолжува Кичево – Гостивар проширувањето. Останува централниот дел на нашата држава, кој не е важен само за Прилеп, важен е и за Скопје, Велес, Битола, но и за Ресен и Охрид, така да јас како Струмичанец ми треба едно 3 ипол часа да дојдам до Охрид, а со вакви решенија тоа ќе се намали на помалку од 2 часа“, кажа Заев.
