Германија планира да ја намали понатамошната миграција на работна сила. Особено на удар ќе биде неквалификуваната раборна сила од Западен Балкан, за која имаше олеснување за добивање работна дозвола изминатиот период.
Но исто така и на градежни работници, медицински сестри, готвачи, келнери од Балканот би можело во иднина да им биде многу потешко да најдат работа во Германија.
„Ние сме во голем економски пад и веќе имаме 600.000 повеќе невработени лица отколку пред една година. Едноставно да се остави режимот на Западен Балкан да продолжи непроменет во таква ситуација не е опција“, изјави Матијас Миделберг, портпарол за внатрешна политика во Бундестагот.
Правилото за работниците од Западен Балкан е воведено пред пет години како емигранти од безбедните земји на потекло, а целта беше тоа да се направи на сметка на масовната миграција преку системот за азил.
На први јануари 2019 година во Германија се регистрирани 102.052 македонски државјани.
![](https://infokompas.com.mk/wp-content/uploads/2020/01/Matador-banner-300-149.jpg)