Во Египет пронајдени 59 саркофази стари над 2.600 години

КОЊИЧКИ КЛУБ МУСИЦА – КРУШЕВО 078-377-315

Египетскиот министер за туризам и антиквитет ја информираше јавноста дека археолозите откриле десетици антички саркофази во голема гробница јужно од Каиро.

 

Калид ал-Анани рече дека се пронајдени најмалку 59 запечатени саркофази со мумии. Се проценува дека повеќето од нив биле погребани на три локации пред повеќе од 2.600 години.

 

„Мислам дека ова е почеток на големо откритие“, рече ал-Анани, додавајќи дека во истата област постојат уште саркофази кои не се ископани.

 

Првичните студии укажуваат дека пронајдените саркофази биле украсени на таков начин што покажува дека тие биле наменети за припадници на елитниот слој на општеството во тоа време.

 

Археолозите пронашле и вкупно 28 статуетки oд божеството Птах Сокер и прекрасно издлабена бронзена статуа на божеството Нефертум, висока 35 сантиметри, обложена со скапоцени камења. Името на сопственикот, свештеникот Бади Амун, билло напишано врз основата на статуата, рече Вазири.

 

Локалитетот Сакара е дел од некрополата на античката египетска престолнина Мемфис, која ги вклучува познатите пирамиди во Гиза.

 

 

Урнатините на Мемфис беа прогласени за светско наследство на УНЕСКО во 1970-тите.

 

Ел-Анани рече дека ковчезите од Сакара ќе се придружат на колекцијата на уште 30 антички дрвени ковчези откриени во Луксор и ќе бидат изложени во новиот Голем египетски музеј, кој се гради во близина на пирамидите во Гиза.

 

 

 

 

 

 

 

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.