ЛАГ АГРО ЛИДЕР дел од своите активности ги насочува кон спроведување на иницијативи за подобрување на животот на граѓаните од трето доба.
Во соработка со ЈУ Градска библиотека “Борка Талески” Прилеп и Домот за стари лица “Киро Крстески – Платник” Прилеп ја започнаа иницијативата “Со љубов за граѓаните од трето доба” чија цел е да го направи подостапно богатото литературно творештво на познати македонски литературни творци за штитениците во Домот за стари лица – Прилеп.
Во рамките на иницијативата е создадена звучна форма на книжевните дела на познати прилепски литературни творци кои се извор на животни мудрости, која ќе биде прикажувана во домот за стари лица, со што ќе им се овозможи на штитениците на домот за стари лица –Прилеп да се запознаат и/или присетат на богатото литературно творештво од нашиот регион и да го исполнат нивното секојдневие.
