Дел од учебниците во основното образование биле продавани на државата по далеку повисока цена од таа за која истите учебници можат да се купат од книжарниците на издавачките куќи, се открива во сторијата на „360 Степени“.
Учебникот по Математика за осмо одделение од „Арс Ламина“, на веб страницата на издавачката куќа се продавал по цена од 623 денари, а државата минатата година го платила 892 денари без ДДВ.
Откако новинарите контактирале со издавачката куќа, неколку часа подоцна цените на веб страницата и во книжарниците за учебникот поскапеле и се приближиле до цената по која минатата година им биле продавани учебниците на државата. Исто така, забележани се големи разлики во цените во неколку години. На пример, учебникот по Математика за осмо одделение од „Арс Ламина“ во 2016 државата го купила за 712 денари. Цената се намалила во 2018, за во 2020 пораснала на речиси 900 денари откупна цена. Учебникот по биологија за осмо одделение од „Арбериа Дизајн“ пак, во 2016 чинел 712 денари, а лани откупната цена била речиси 1.000 денари.
Целата истражувачка сторија на „360 Степени“ погледнете ја во видеото што следува:
