Предлог-законот за ратификација на Договорот за пријателство, добрососедство и соработка помеѓу Македонија и Бугарија е на агендата на денешната седница на парламентот и во моментов трае излагањето на договорот, по што следи гласање.
Амбасадорот на Бугарија во Македонија, Иван Петков, пред пратениците на Собраниската комисија за надворешни работи ја претставува програмата и приоритетите за работа на Бугарското претседателство со Советот на ЕУ.
Договорот беше потпишан на 1 август 2017 година во Скопје од премиерите на Бугарија и Македонија Бојко Борисов и Зоран Заев и според нив има за цел да ги зајакне пријателските односи, добрососедството и развојот на соработката според меѓународното право.
Опозицијата нема да гласа за овој предлог закон и стојат на ставот дека ќе го бојкотираат Собранието се додека не бидат создадени демократски услови за да се вратат во Собранието.
