Севенокорејскиот лидер Ким Џонг Ун го прими рускиот шеф на дипломатијата Сергеј Лавров во неговата резиденција во Пјонгјанг. За време на посетата, Лавров разговарал со лидерот на Северна Кореја за понатамошната иднина на нивната атомска програма, јавува руското Министерство за надворешни работи.
Лавров и Ким ветија дека ќе направат сѐ што можат за да продолжат мировните преговори за „одврзување“ на корејскиот јазол. Следната средба би можела да биде во Москва, а Лавров го покани Ким Џонг Ун да ја посети Русија.
„Би биле среќни доколку дојдете да нѐ посетите“, кажа Лавров, а Ким за возврат испрати поздрав до рускиот претседател Владимир Путин.
Лавров е првиот претставник на Русија кој се сретнува со севернокорејскиот лидер Ким Џонг Ун, пренесуваат руските медиуми.
