Градоначалникот на Општина Прилеп, Илија Јованоски испрати честитка до сограѓаните од муслиманска вероисповед по повод Курбан Бајрам со желби за радост, среќа, благосостојба и душевен мир.
Во овие празнични мигови, со желби за радост, среќа, благосостојба и душевен мир, дозволете да Ви го честитам големиот празник Курбан Бајрам. Овој празник нè потсетува на вредностите што празникот ги слави: меѓусебната почит, солидарноста, добрината кон различните и помошта на немоќните.
Големите верски празници се денови за потенцирање на вредностите на заедничкиот живот, на соживотот на луѓето од различна вероисповед. Сите ние, граѓаните од различни вери и заедници, треба да продолжиме заедно да ја градиме иднината на Прилеп и на Република Македонија, бидејќи тоа е единствениот вистински пат за сите нас.
Уште еднаш Ви го честитам Курбан Бајрам и Ви посакувам деновите на празнување да ги поминете со добра мисла и во семејно опкружување.
