Пред малку, кај прилепското село Тројкрсти, според првичните и неофицијални информации кои ги добивме од жители на селото, се случила необична сообраќајна несреќа помеѓу возот кој сообраќал на релација Скопје – Битола и автомобил. По сударот автомобилот избегал во непознат правец, тврдат за Инфо Компас жители на Тројкрсти кои ни испратија и една фотографија.
Не знаеја да кажат за каква марка на автомобил станува збор, ниту какви таблички имал.
Возот се уште стои на железничкиот премин на Тројкрсти кој не е соодветно обележан.
