Вчера во 23 часот, 54-годишниот Ѕ.Н. од Прилеп пријавил во полиција дека забележал лице кое било во пламен, наведено е во полицискиот билтен.
„Вчера во 23.06 часот, Ѕ.Н. пријавил дека движејќи се по улицата Димче Антулески, во обработлива нива на место викано Козле, забележал лице кое било во пламен. Лицето се здобило со изгореници, по што било пренесено во Градската болница во Прилеп за укажување лекарска помош. Полицијата излезе на местото на настанот и констатирала дека станува збор за 39-годишниот Р.А. од Прилеп. Извршен бил увид на местото на настанот од увидна екипа од ПС Прилеп“, се вели во билтенот на МВР.
