И оваа недела продолжува бојкотот на наставата од страна на матурантите, инфомираа од Сојузот на средношколци.
Матурантите стојат на ставот дека се потребни измени во полагањето на државната матура, односно наместо досегашните 4 предмети, поради проблемите кои настанаа во образовниот процес со корона пандемијата бројот на предмети кои ќе се полагаат да се намали на 2.
„Ќе продолжиме со нашите активности во парламентот во координација со сите пратеници и пратенички групи коишто ги поддржуваат нашите барања“, велат од Сојузот на средношколци.
Вчера министерството за образование соопшти дека бојкотот е неоправдан и дека најмногу штета ќе претрпат учениците.
