Министерството за здравство ја информира јавноста дека Комисијата за заразни бoлести ќе предложи задолжителен домашен карантин од 14 дена за лица кои доаѓаат од сите африкански земји.
„Во текот на утрешниот ден, МАНУ ќе изврши анализа на брисеви на двајца пациенти ковид позитивни кои се вратиле од патување од Занзибар.
Пациентите се хоспитализирани веднаш откако ги пројавиле првите симптоми на вирусот СарсКОв2.
Министерството за здравство и Комисијата за заразни болести согласно актуелната епидемиолошка слика и анализите на Институтот за јавно здравје, не ја исклучуваат можноста да се донесат препораки за нови мерки со цел спречување на понатамошно ширење на КОВИД-19 вирусот.
Апелираме до граѓаните задолжително да ги почитуваат здравствените мерки и протоколи, како носење маска, одржување хигиена на раце и држење дистанца“, се вели во соопштението на МЗ.
До овој момент во земјава се уште не е детектирано присуство на јужноафриканскиот сој на вирусот.
