Вицепремиерот за борба против корупцијата и криминалот Љупчо Николовски вечерва на својот ФБ профил објави дека Агенцијата за храна и ветеринарство (АХВ) запленила 4.5 тони путер кој имал важност до 2019 година и притоа повикува на целосна истрага и одговорност.
„Во акција на Агенцијата за храна и ветеринарство (АХВ) кај операторот Евро Млекара ДООЕЛ Скопје, се пронајдени и запленети 4.5 тони путер, кој имал важност до 2019 година. Производот е затекнат во продажба без декларација, и од страна на АХВ веднаш е повлечен од пазарот.Заштитата на граѓаните и нивното здравје се на прво место. Повикувам на целосна истрага и одговорност!“ – објавува Николовски.
Меѓутоа, според официјалното соопштение на АХВ, не станува збор за толкава количина на путер, туку само 30 килограми путер со важност до 13 февруари 2021 година.
