Прилепското Езеро е вештачко езеро сместено во месноста „Гладно Поле“ во непосредна близина на Прилеп. Неговата географска положба му овозможува на ова езеро да биде рекреативен центар и туристички мотив. Под езерото се наоѓа потопеното село Пештерица.
Општина Прилеп реализира проект „Прилепско езеро – нови авантури, нови можности“. Вкупна вредност на проектот изнесува 50 милиони денари, или близу 850.000 евра, од кои 6 милиони денари се сопствено учество на Општина Прилеп. Од главниот пат до спортско-рекреативниот комплекс ќе се влегува преку пристапна улица долга 35 метри, ќе има паркинг за дваесетина моторни возила, а се градат и две пешачки патеки во должина од 750 метра. Во склоп на комплексот ќе биде изградено кошаркарско игралиште со два коша и со пинг понг маси, како и игралиште за одбојка.
За ова, најголема закана е отпадот низ шумската вегетација направен од несовесни граѓани, туристи, рибари итн.
Местото на ѓубрето му е во корпа, не тука. За жал, мораме да алармираме за ниската еколошка свест за која што доказ се ужасните слики од отпад низ езерото и низ шумската вегетација.
