Новоформираните 4 тутунски здруженија денеска го потсетија премиерот Зоран Заев да го исполни даденото ветување за просечна цена од 180 до 185 денари по килограм, биидејќи до денес немале добиено одговор на нивното барање.
„Како новоформирани здруженија во кои тутунарите се повеќе имаат доверба во нашата посветеност за борбата против неправдите кои им се случуваат во моментов, како и секогаш така и сега доколку не си стоите на зборот, ние први ќе повикаме на протест.
Имајќи ја во предвид пандемијата со ковид кризата, ви даваме во текот на наредната недела последна шанса јавно да одговорите кога и како имате во план да го исполните Вашето ветувње кое преку нас им го дадовте на тутунарите.
Не сакаме да помислиме дека Вие во својство на премиер не излажавте или не дај Боже само не изманипулиравте. Затоа како одговорни субјекти Ви даваме можност да се произнесете во спротивно нашите пари ќе си ги бараме на протести“, се вели во дописот на новоформираните 4 тутунски здруженија.
