Бројот на пушачи во светот во 2019 година порасна на 1,1 милијарда, од кои третина од вкупниот број отпаѓа на Кина, покажа најновата глобална анализа, пренесе Independent.
Според процената на Global Burden of Disease (GBD), во истата година од последици на пушење починале 7.7 милиони луѓе.
Eексперти од GBD откриваат дека 89% од новите пушачи стануваат зависни од цигари пред дваесет и петтата година од животот. Според Емануела Гакиду, главна авторка на студијата, ако поединецот не стане редовен пушач до дваесет и петтата година од животот, многу е мала веројатноста дека ќе стане пушач и понатаму во животот.
Некои земји веќе започнаа да размислуваат за мерки за намалување на процентот на пучачи. Во Велика Британија, научниците од UCL во Лондон сметаат дека владата треба да забрани продавање цигари на помлади лица од 21. Од почетокот на пандемијата има 40 проценти повеќе пушачи од претходно. Заклучокот е дека пандемијата го влоши овој глобален проблем.
