Австриското Министерство за здравство ги објави имињата на 11 нови земји кои се вклучени во ранг листата на сигурни држави од Ковид-19. Новиот декрет на Министерството за здравство на Австрија стапува на сила од утре.
На списокот на безбедни земји се додадени 3 балкански земји: Албанија, Македонија и Србија.
Покрај нив се и земјите САД, Хонг Конг, Јапонија, Макао, Саудиска Арабија, Тајван, Тајланд и Виетнам.
Граѓаните на овие земји ќе можат да влезат во Австрија со потврда за вакцинација или негативен ПЦР тест, или лекарско уверение за претходно прележан Ковид-19.
Австрија на овој начин ја спроведува одлуката на амбасадорите на Европската Унија од минатата недела, пренесуваат медиумите.
