Социјалната мрежа Инстаграм, според корисниците на апликацијата ширум светот престана да работи.
Проблемот е присутен низ целиот свет од утрово, според сајтот „Down Detector“, кој ја следи работата на најголемите платформи на Интернет.
Во целиот свет, Инстаграм „падна“ пред неколку часа, додека корисниците во Македонија имаат проблем од околу 13:30 часот.
Корисниците кои се одјавени не можат да се најават преку Фејсбук или преку е -пошта и лозинка, а оние што се најавени не можат да објавуваат фотографии и „сториња“.
Со хаштаг #InstagramDown на Твитер, стотици твитови од целиот свет се објавени во последните неколку минути. Некои корисници прашуваат за што станува збор, некои ги информираат другите, додека други се шегуваат за честите проблеми во работата на социјалната мрежа.
