Министерот за животна средина и просторно планирање, Насер Нуредини денеска објави дека од 1 декември стапува во сила законот со кој ќе се забрани пуштање во употреба на пластични кеси. Нуредин рече дека ќе се продаваат само биоразградливи пластични кеси по цена од 15 денари.
„Идејата е да се намали употребата на пластика. Оние средства што ќе се создаваат од тие 15 денари при секое купување на торбата ќе одат во фонд кој ќе се инвестира во животната средина, исто така ќе се инвестираат во свесноста на нашите граѓани, како ќе се однесуваме со отпадот во нашата држава. Идеологијата е дека загадувачот ќе плати“, рече Нуредини.
На денешната прес конференција присуствуваше и премиерот Зоран Заев.
„Донесовме 4 закони за управување со отпад, со цел да го решиме деценискиот проблем со отпадот“, рече Заев.
