Се очекува храната да поскапе за 40 до 50 %, раст и на цената на струјата, предупредува Стопанската комора

Ценовен шок ги очекува граѓаните до Нова Година, предупредуваат од Стопанската комора. Во моментов цените на основните прехрамбени продукти се повисоки од 5 до 10 проценти, објави Телма.

Но следните месеци се очекува храната да поскапе 40 до 50 проценти како резултат на глобалните случувања плус процентот од енормниот раст на цената на енергенсите. Од комората бараат итна средба со Владата.

Покрај последиците од пандемијата, снабдувањето со електрична енергија во наредните години ќе биде прашање со кое ќе се занимаваме 24/7, предвидува претседателот на Стопанската комора на Македонија, Бранко Азески.