Успешната соработка со граѓанскиот сектор, после победата на 17 октомври, ќе биде повторно во фокусот на работењето на новата локална самоуправа предводена од ВМРО-ДПМНЕ и коалицијата. Истакнаа денеска на прес конференција Стефанија Стојаноска, кандидат за советник за Прилеп од редовите на ВМРО-ДПМНЕ и Коалцијата.
Со цел одржлив граѓански сектор ќе обезбедиме транспарентна постапка за доделување на средства за проекти, и средства за програмското работење од буџетот на ЛС за здруженија на граѓани која вклучува:
- Измена на Правилникот за утврдување на критериумите и постапката за доделување на средства на Буџетот на Општина Прилеп, (Сл.Гласник на општина Прилеп бр. 4/2009) со активно вклучување на претставници на граѓанските организации;
- Формирање на комисија со учество на претставници на граѓански организации избрани со јавен повик.
- Обезбедување на средства за ко-финансирање на проекти на граѓанските организации кои спроведуваат проекти кои се од интерес на граѓаните од општината.
Граѓанскиот сектор ќе биде чинител на социјално-економскиот развој. За таа цел предвидуваме:
– Формирање на Локален економско-социјален совет со поддршка од граѓанските организации, синдикатите и работодавачите на локално ниво.
- Промовирање и поттикнување на добри практики за соработка со граѓанските организации на локално ниво.
- Отварање и менџирање на Младински центар во Прилеп
- Промовирање на здрави спортски навики.
- Поддршка на еколошките здруженија преку јакнење на еколошката свест и заштита на животната средина
- Подршка на здруженија на граѓани кои работат во полето на новонастанатата ситуација со ковид 19.
- Превенција на преносливост од КОВИД 19.
- Помагање во процесот на повторно враќање во социо – економскиот живот на лица во пост-ковид перидот.
- Поттикнување на волонтерсво, едукативни излагања на волонтери за превенција од ковид 19 и други заразни и преносливи болести.
Почитувани, Граѓанскиот сектор ќе биде партнер во работењето на новата локалната самоуправа предводена од ВМРО-ДПМНЕ. Заедно ќе реализираме проекти и ќе извојуваме победа, победа за Прилеп и прилепчани. Заедно, со поддршка на бр.7, Борче Јовчески за градоначалник на Прилеп и советничката листа на ВМРО-ДПМНЕ и коалицијата.
