Нема одлука за испраќање на наши војници во Украина и нема ни да има, истакна денес министерката за одбраба Славјанка Петровска.
„Северна Македонија е членка на НАТО и сите одлуки кои се носат во Алијансата како членка ќе ги почитуваме и спроведуваме, бидејќи и ние учествуваме во нивното носење. Досега, земјава се приклучи кон санкциите кои беа изречени од страна на ЕУ. Одобрена е помош во воена опрема и вооружување согласно побарување од украинските власти. Нивното барање беше класифицирано кон нас и од таа причина и нашата одлука е класифицирана, но во знак на транспарентност дадовме куса инфорамција дека донесовме одлука за воена помош на Украина согласно капацитетите со кои располагаме“, рече министерката, одговарајќи на новинарско прашање на одбележување на Денот на баталјонот на специјалните сили на Армијата.
Според Петровска донацијата нема да влијае на капацитетот на нашата армија.
