Намалување на прекувремената работа за преку 20 отсто во МВР, во АНБ, како и во Агенцијата за разузнување, работа од дома на вработените со ротации, па дури и суспензија или укинување на колективните договори се дел од мерките што биле разгледувани на денешната четиричасовна седница на Економско-социјалниот совет, која беше прекината, откако Владата, синдикатите и работодавачите останаа со спротиставени ставови.
Покрај овие мерки, претходно беше најавена и мерката за намалување на платите за 10% .
Дел од овие мерки, како укинувањето на колективните договори се неприфатливи за синдикалците од јавниот и приватниот сектор, кои изјавија дека заедно ќе се спротивстават на тоа.
