Учениците од трето одделение при основното училиште „Добре Јованоски“ од Прилеп денеска ја посетија компанијата Витаминка. Дечињата го разгледаа погонот и се запознаа со процесот на изработка на најпопуларниот бренд во Македонија, особено кај младата популација, „Стоби Флипс“.
Витаминка има воспоставено редовна соработка со локалните основни и средни училишта со организирање на вакви едукативни тури во капацитетите на компанијата каде што учениците се запознаваат со процесите и методите на Витаминка коишто им се предмет на изучување.
