Пожарот во Мариово, кој е најголемиот пожар во историјата на Прилеп, и денеска продолжува со несмален интензитет. Линијата на огнот постојано се зголемува и таа се движи од 30 до 40 км, а површината опфатена со оваа огнена стихија е огромна. Во опасност се уште се наоѓаат повеќе населени места, особено селата Крушевица и Пештани каде денес се стационирани поголем број на пожарникари, како и припадници на армијата и полицијата.
Огнот забрзано се наближува и до манастирот „Св. Никола“ кај селото Прилепец и веќе е на околу 500 метри од манастирот.
Во моментот пожарот во прилепско го гасат 150 противпожарни екипи од голем број градови на Македонија, како и припадници за армијата, полицијата и национални шуми.
