Благодарност на Владата и Локалната самоуправа ќе се овозможи реализација на еден прекрасен проект, кружниот тек кај Табана, кој за жал од претходната локална власт на чело со Илија Јованоски – Муцето од неоправдани и неразбирливи причини за сите нас прилепчани и посебно за Светска банка како главен финансиер на истиот, беше откажан и ставен во фиока, иако истиот беше оценет со највисоки оценки и прогласен за најдобар проект во Македонија, од самата банка. Напиша на својот ФБ профил Марјан Ристески, поранешен градоначалник на Прилеп и сегашен заменик министер за економија, откако Општина Прилеп соопшти дека еден од 4 проекти кои ги поднесла за финансирање до Министерството за локална самоуправа е токму овој проект.
„Истиот овој проект беше пред реализација (објавување на тендер), со комплетно обезбедени финансиски средства, 2 милиони евра “мек кредит”(позајмица), под неверојатно поволни услови за Општината, со само 1% камата, грејс период 3 години и рок на исплата 10 години, а после реализацијата на истиот и донација во висина од 630.000 евра со која требаше да биде финансиран друг капитален проект за Општината-изградба на две нови спортски сали во ОУ “Блаже Конески” и ОУ “Кочо Рацин”.
Но еве, благодарение на Владата и аплицирањето на ЛС, се надеваме на брза реализација на истиот , Прилеп ќе го добие долгоочекуваното решение на ова “слепо грло“ на градот- мостот т.н.“Табана” кој ќе овозможи:
- непречен тек на: сообрајќајот, пешаците, велосипедистите, без огромен застој како до сега…
- модерен и урбан изглед на централното градско подрачје
- широка булеварска улица и респектабилен влез во центарот на градот
- зелен појас, велосипедски патеки и модерно и економично осветлување…
Нека е закаснето, да не е заборавено. Сè шо е добро за градот треба да се прифати и реализира. На некои претходни личности му сметаа проектите затоа што биле од Марјан и ВМРО… НЕ господа, проектите се од градот и за градот, а со нивната нереализација го закочивте развојот на истиот“, потенцира Ристески во постот.
