Прилеп оваа есен повторно ќе дише во ритамот на џезот. По јубилеен петнаесетти пат, фестивалот Prilep Jazz Weekend ќе ги собере љубителите на квалитетна музика, автентични изведби и незаборавна концертна атмосфера.
Фестивалот ќе се одржи на 1, 2 и 3 октомври 2026 година, во кино салата на НУЦК „Марко Цепенков“ – Прилеп. Во текот на трите фестивалски вечери, публиката ќе има можност да проследи настапи на истакнати домашни музички имиња, кои низ различни џез изрази ќе донесат свежа енергија и музика без граници.
Програмата на 15. Prilep Jazz Weekend е:
1 октомври 2026, четврток
- 21:00 — Глигор Кондовски / Дориан Јовановиќ
- 22:30 — SETHSTAT
2 октомври 2026, петок
- 21:00 — 23:00 — Џез за Чудаци
3 октомври 2026, сабота
- 21:00 — ПИЈАН СЛАВЕЈ
- 22:30 — PEACH VICE
Во изминатите петнаесет години, Prilep Jazz Weekend изгради препознатливо место на македонската културна и музичка мапа. Фестивалот останува посветен на поддршката на оригиналната музичка мисла, на отворањето простор за нови звучни истражувања и на создавањето средба меѓу музичарите и публиката.
Јубилејното издание е покана за три вечери исполнети со импровизација, ритам, емоција и слобода — токму она што џезот го прави жив, возбудлив и секогаш современ.
Подетални информации за фестивалот можете да видите на следните линкови :
https://www.facebook.com/prilepjazzweekend
https://www.instagram.com/prilepjazz/
