Цените на бензините и на дизел горивата од ноќеска на полноќ поскапуваат за половина до еден денар по литар, одлучи денеска Регулаторната комисија за енергетика (РКЕ).
Согласно методологијата која РКЕ ја користи за пресметка на цените, од вечерва на полноќ малопродажните цени на горивата се зголемуваат во просек за 1.81 процент.
Тоа значи дека од вечерва на полноќ цените на ЕУРОСУПЕР-95 и ЕУРОСУПЕР-98 се зголемуваат за 1, односно 0.5 денари, и еден литар ќе чини 64.00 односно 65.50 денари. Цената на ЕУРОДИЗЕЛ горивото се зголемува за 1 денар, и еден литар дизел гориво од вечерва ќе чини 52 денари.
Како причина за зголемување на продажните цени на нафтените дееривати од РКЕ ги псочуваат за 3,63 отсто повисоката просечна цена на суровата нафта на светскиот пазар во изминатите 14 дена и за 0,501 отсто понискиот курс на доларот во однос на денарот.
Новите цени стапуваат на сила вечерва на полноќ и ќе важат следните две седмици.
