Американската компанија за истражување на вселената „Спејсекс“ ја лансираше од вселенскиот центар на НАСА, „Кенеди“, во Флорида својата втора најмоќна ракета „фалкон хеви” со сателит за комуникации „Арапсат” за клиент од Саудиска Арабија
За првпат успеа да ги врати сите три потисни ракети на земја, објави АП.
„Фалкон хеви” е најмоќната ракета што се користи денес, со 27 мотори, по девет од потисна ракета.
Осум минути по полетувањето на двете потисни ракети, тие истовремено слетаа во Кејп Канаверал.
Третата потисна ракета се спушти по две минути на платформа во океанот, неколку стотици километри од брегот.
„Каков неверојатен ден”, извикуваше коментаторот на „Спејсекс“.
„Три од трите потисни ракети денес на ‘Фалкон хеви’, што е неверојатно достигнување”, додаде коментаторот.
